Gurean gabiltzan momentuan

Jarri duzu kanta eder hori.

Begiratu, maitea, amildegi ertza...

Esan zuen nire buruan

Ohean jolasean ari ginela

Orain zuk ipini duzu mugikorrean

Telebistak entzunezko ispilu eduki dezagun

Zu ordenagailuan eta ni irakurtzen

Ez dugu gaur ekirik antzeman

Goizean mendira joan zara

Eta berdea negarrez blai zegoela

Koloreak duen miresmenarekin.

Lasai gaude bakoitza bere baitan

Horrek ere gure maitasuna

Eraiki ohi du guk tarteka muxukatuz.

Zu baitzara Laboan kantu zaharretan

Entzundako nire istorio asmatua.

Sabelak goxo bete aurretik

Ohartuko nintzen ene baitan

Baimenik ez dudala behar esaten didazu

Barrenak jartzeko eta kentzeko esaten didanean.

Hala ere afariaren bakeak misio bat utzi dit

Baina oraindik ez zait etorri esperoan dudana

Badakit gero liluratuta geldituko zarela...

...Gau honetan ilargi betea oparituko dizut eta.

Maite zaitut.

(Eugeni Alzibar)