Nire gainean egon zinen bart gauean

Dena ilun zegoelarik sekula imajinatu gabeko unea

Eta hori ohitura dugula bestearen barrura sartzeko

Benetan maite garela esateko.

Serioa kontsideratzen naiz

Baina alaia izatea gustatzen zait

Isiluneak atsegin ditut

Gauza mordoetaz ohartzen naizelako

Orain triste nago eta ez dizut gezurrik esango.

Plana genuenean kanpokoa izorratzen da

Hala ere elkarrekin gaude nolabait

Itxaropen bat helarazi didazu

Ostera adostuko dugu zerbait

Bitartean egon hemen, laztana

Gozatu dezagun laudorioetan

Barrena gabiltzala hegaka

Maitasunaren leherketa lortu arte

...Azkenean sumendia osatuta loak hartzeraino besarkatuak gaudela.

(Eugeni Alzibar)