Pasarte goxo baten akorduan

Ezinbestean sumatutako ezpainak

Irri goxoa atzetik etortzen zaidalarik

Ezer gehiago pentsatu gabe ere

Besarkatzen gara jada parez pare

Arratsaren usainak inguratuta gaituela

Begiak ireki ditugu siestatik

Bestea aurretik izan arren ametsetan

Zer egingo dugun jakin gabe oraindik

Mendia dugu so eztirik ezti

Zeru aratzak zaintzen gaitu gaurkoan

Askaria prestatuta hor goiko belarpean

Eseriko gara

Lasaitasuna neureganatzen dut

Zure artean kokatzen nauzun aldiro

Ostera ere nire gorputza zure besoez

Inguratuta Ilunabarra amodioz

Ikusi dezagun ia malkotxo bat isurtzean

Esker onez barrukoa sartuko zaitudalarik

Gu soilik sentitutako muxuen josketan

Erotzen nauzunean plazeren gailurra ikusten dut

Besarkatuta gaudela trostan igotzen gara

Ohearen gozamenez sortutako sumendira

Askotan esateko adoreak gauak ematen didana

Belarrira goxo-goxo esango dizut beste behin

Lotarako deia jaso orduko jkinda edukiko duzu dagoeneko:

Maite zaitut

(Eugeni Alzibar)