Mundu osoko izaerak batuz

Nire filosofia dut menpe

Besteak errespetatuz

Irri bakoitza, lasaitasuna

Pertsona naiz

Eta besoetatik zaintzen ditut 

Nire ametsetan

Haiek kulunkatuz

Norbaitek noizbait zuen zuhaitz bat landatu?

Esan zuen Joan Mari Irigoienek

Elkartu nahiko nituzke ene zaintzak

Taupadak ditut altxor

Eta zu zaitut amodio

Arratsak plazara soilik garamatza

Gaur herria tokatzen da

Goxo-goxo

Siestan egon garen bezala

Zeru aratza gainean

Umeak parkean

Eta gu haiei begira

Gureak ez direlarik

Baina bai herri txiki honetakoak

Ilunabarrak osatutako zerumugak

Etxera joateko abisatzen digu

Handik ikusiko baitugu haren amaiera

Eta gauaren sarrera

Afalostean ohean

Kontzerturik goxoena emateko

Gu biok, besarkatuak

Ametsetara iritsi orduko

Oihu guztiak hasetuak egon daitezen

Maite zaitut,

Ez ahaztu sekula, mesedez

Egunsentian ere besarkatuak egongo gara

Nire oparirik ederrena zarela

Soilik gauak zutaz hitz egiten didalako

(Eugeni Alzibar)