Paseatzen goazela

Ene bihotzeko paisaiak ikusi ditut inguruan

Sekula ezagutu gabeko lekuak

Bardeak izan dira gaurkoan

Uda probestuz

Irteera zoragarria dugu esku artean

Lekuz leku mirestu ditut

Zeruak oporren basamortua

Ekarri dit gogora

Isolatuak egotearen lasaitasuna

Zuganako muxua

Gaur ere elkarrekin

Lo egingo dugula

Arratsaren erdigunean

Itzultzeko bidea hartu dugu

Gustura nago, pozik

Lasaitasun osoz

Isilik goaz

Mikel Laboa entzunez

Iluntzeak jota

Etxean egongo gara goxo-goxo

Bizitako eguna baloratuz

Ulertuz

Bardeak eta Bardoak

Itzaltzuko Bardoa maite dut

Eta etxean jarri dut

Afaria prestatzen ari zinela

Elkorretak deitzen dit noizbehinka

Gartxot ezagutu nahiko nuke

Eta muxu bat eman didazu

Mahaia prest zegoela abisatzeko

Gauean muxukatu gara atzera

Eromenez

Irudi guztiak gelditu zaizkit

Begiak itxita ditudala

Memorian

Zu maitatuz, asetuz

Gozatuz

Ilargi betea zaindari delarik

Zure besotan gelditu

Ametsetan zehar amestuz

Tarteka zu sentituz

Maite zaitut

(Eugeni Alzibar)