Goizean goiz joan naizenean

Orain dela urte batzuetako zelaia ikusi dut

Izoztuta zegoen antza

Eta zoriontsua naizela konturatu naiz

Beste behin ere

Ken Zazpi jarri dugu iritsi arte

Han berak jaso nau irribarrez

Ohikoa duen bezala

Eztabaida baten munduan murgilduz

Txertoetatik abortura pasa gara

Oso interesgarria

Intentziorik gabeko mina

Inor iraindu nahiaren askatasuna

Ulertzerik eza

Eta niganako etiketa batzuen

Malko marraztuak ostera

Denok askeak gara

Eta zerbait atera bazait lekuz kanpo

Ez da borondatez izan

Desorekak definitutako ekintza nahi gabetuetatik

Abiatu baitira

-Ahaztu, maitea -esan didazu.

-Ez, ez baitakite zenbat maite ditudan -esan dizut

Solasaldi bat baino ez

Horixe dela dut kontsolamendu

Umorez sortutako kontraesanak

Irria ez dena ere

Multzo horren parte bata

Egoera guztiei aurre egiteko

Irri egitetik haserre egotearen mesfda

Eta alderantziz

Beste emozioetaraino adarrak sortuz

Euren bazterrak nahastuz

Irriz haserretu

Muxuz eztabaidatu

Pozez kontraesan

Iritziz besarkatu...

...Eta umorez

Guztia onartuz

Nor bere hitzak

Defendatuz

Errespetatuz

Ostean denok atzera

Muxukatuz

Hori da, bihotza

Filosofiak erakutsi dit

Muxu guztiak ez direla berdinak

Baina gaueko kontzertuen abortuan

Ikasi dut gauak ez direla agortzen

Horregatik ilunaren bakean

Zerbait esateko agindu dit gauak

Egunero bueltaka darabilgun

Kontzeptu maitagarria

Gure gozamen guztietatik

Sekula abortatuko ez nukeena:

Maite zaitut

(Eugeni Alzibar)