Eguna argitu delarik

Oraindik balantzaka sentitzen naiz

Bart gaueko trosta goxoengatik

Eramaten uzten naiz

Dena lasai aurkitzen delako

Loturarik estuena

Musikarekin dudan sentsazioa da

Mina ez dela inoiz

Erakutsi dit

Eta zerbait gidatzen imajinatzen naiz

́Errealitatea halakoa ez izan arren

Baina berdin du

Ni, ni naiz eta

Erritmo huts batek

Pertsona baten izaeraren zatiak

Definitu ditzake

Hori izan baitut buruan, txikitatik

Tolosak hala erakutsi zidalako

Arrastian bakoitzak bere zereginetan jardun gara

Musika jarri dut

Nire hausnarketan murgilduz

Pentsatuz, imajinatuz

Lasaitasunez

Barrenak eskatzen didana

Abestea delako

Ezustean etorri den

Sumendi hau

Nolabait

Gozatzen ikasteko

Afalostean gertatu denaren antzera

Ohea oholtzarik goxoena

Bihurtu dugun heinean

Gorputzeko kobazulorik leuneenak

Deskubritu ditugu

Loa elkarren menpekotasunean

Besarkatuak eraman gaituen arte

Maite zaitut

(Eugeni Alzibar)