Arratsaldea irakurtzen igaro dut

Gustuko dudan estatu batuar

Idazle horrek amodiozko istorio batera

Hunkituta eraman nau

Eta erdigunean kokatzen dituen bi protagonistak

Fantasiazko nire gurasoak

Bilakatzea lortu du

Ez zeuden lehengo harreman estuan

Baina neska beti bezain errealista

Mutilari berarekin lo egiteko eskatu dio

Bi pertsonaiak egoera zailean

Gau horretan elkarrekin

Lo egitea onartu dute

Negarrez hasi naizenean

Etxean bakarrik aurkitzen nintzen

Nire bakardade maitagarrienean

Beti hunkitzen naiz halakoetan

Eta goxotasunez besarkatu didazu

Zure besoek plazeraren bidean kokatzen naute

Bainutik logelara eraman nauzun bezala

Muxuka gindoazela, hitz leunak tarteko

Eta ohean amodioa egin dugu

Elkarren gorputz biluziak laztanduz

Ohean bueltaka gabiltzala

Uneoro zuretzako dudan

Sekretutxo bat aitortzen utziko didazu:

Maite zaitut

(Eugeni Alzibar)